Mae’r erthygl hon yn un o gyfres o straeon yn rhannu profiadau, meddyliau a theimladau go iawn gan bobl ifanc yn byw yng Nghaerdydd yn ystod y cyfnod clo. I weld straeon eraill, clicia yma.
C1. Beth yw’r peth pwysicaf rwyt ti wedi dysgu am dy hun yn ystod y cyfnod clo?
Rwyf wedi dysgu bod pobl yn bwysig i mi ac rwy’n ddiolchgar am y ffrindiau rwy’n byw â nhw. Rwyf hefyd wedi sylwi bod fy rhieni yn system gefnogol enfawr i mi a heb hynny ni fyddwn yn gwybod beth i’w wneud. Maent wedi helpu trwy bopeth, ac rwyf mor ddiolchgar amdanynt.
C2. Beth yw’r peth sydd wedi aros yn y cof fwyaf yn ystod y cyfnod clo?
I ddweud y gwir, y peth sydd wedi aros yn y cof fwyaf yn ystod y cyfnod clo ydy pan wnaeth fy nghyn gariad fynd gyda rhywun arall. Roedd fy ffrindiau yno i mi trwy’r broses o ddod drosto ac roedd hynny’n help mawr. Maent wedi cael effaith mawr ar fy mywyd ac ni chredaf y byddwn i wedi ymdopi hebddynt.
C3. Eglura pa bethau rwyt ti’n ei golli fwyaf o dy fywyd cyn COVID-19. Sut wyt ti am sicrhau nad wyt ti’n cymryd y rhain yn ganiataol yn y dyfodol?
Rwy’n colli cael gweld fy ffrindiau trwy’r adeg. Rwyf wedi sylwi bod pobl yn system gefnogol enfawr i mi, a heb hynny yn ei le rwy’n disgyn i ddarnau braidd, felly ni fyddaf byth yn cymryd mantais o’r bobl yn fy mywyd eto. Rwyf bellach wedi dysgu pa mor werthfawr ydy pawb yn fy mywyd.
