{"id":4588,"date":"2022-03-17T17:19:03","date_gmt":"2022-03-17T17:19:03","guid":{"rendered":"https:\/\/thesprout.co.uk\/cy\/?p=4588"},"modified":"2022-03-17T17:19:04","modified_gmt":"2022-03-17T17:19:04","slug":"paid-byth-ag-ildio-jacob","status":"publish","type":"post","link":"https:\/\/thesprout.co.uk\/cy\/paid-byth-ag-ildio-jacob\/","title":{"rendered":"Paid Byth ag Ildio: Cyfarfod yr Artistiaid gyda Jacob O\u2019Mara"},"content":{"rendered":"\n

Mae Jacob, sy\u2019n 11, yn dweud bod creu bydoedd gwahanol yn ei helpu i gael gwared ar deimladau negyddol ac mae\u2019n teimlo y gallai ddelio gyda phryderon bywyd ar \u00f4l chwarae gemau fideo.<\/h2>\n\n\n\n

Mae\u2019r blog yma yn rhan o\u2019r ymgyrch Paid Byth ag Ildio<\/a>, ble roedd 21 o bobl ifanc Caerdydd yn cael eu comisiynu i greu darn o gelf yn dangos sut effaith mae chwarae gemau fideo yn ei gael ar eu hiechyd meddwl. Dyma stori Jacob, artist 11 oed oedd yn rhan o\u2019r prosiect.<\/p>\n\n\n\n

Pa effaith mae gemau fideo wedi ei gael ar dy iechyd meddwl?<\/h3>\n\n\n\n

Mae chwarae gemau wedi bod yn help i fi wrth fynd trwy gyfnodau anodd adref ac yn yr ysgol. Mae fy rhieni wedi gwahanu yn ddiweddar ac roedd hyn yn achos lot o bryder ac iselder. Mewngofnodi i g\u00eam ydy fy ffordd i o fyfyrio. Mae\u2019n rhoi br\u00eac o fywyd go iawn sydd yn anodd ei wneud fel arfer. Mae\u2019n ymlacio fi ac yn tynnu\u2019r corneli pryderus yn fy ymennydd. Mae\u2019n rhoi feibs positif wrth chwarae gan ei fod yn cynhyrchu cemegau hapus yn yr ymennydd. Gwyddonol iawn!<\/p>\n\n\n\n

Ar y cyfan, dwi wrth fy modd gyda gemau fideo a\u2019r holl gemau cyffrous ac anturiaethus sydd ar gael. Dwi ddim yn meddwl y byddwn i wedi gallu ymdopi gydag ymdrechion bywyd heb gael mynediad i chwarae gemau. Mae wedi bod yn ffordd dda o ymdopi i fi. Os wyt ti\u2019n dewis y g\u00eam gywir ar gyfer y tymer cywir rwyt ti ynddi, yna rwyt ti\u2019n gallu dod allan ar yr ochr arall yn teimlo\u2019n bositif, hyderus ac yn meddwl yn llawer gwell nag yr oeddet ti cynt.<\/p>\n\n\n\n

\"\"<\/a><\/figure><\/div>\n\n\n\n

Beth oedd yr ysbrydoliaeth y tu \u00f4l i\u2019r gwaith yma?<\/h3>\n\n\n\n

Os ydw i\u2019n teimlo\u2019n isel pan fyddaf yn mynd ar-lein, y bwriad ydy tynnu fy hun i ffwrdd o\u2019r byd go iawn. Weithiau mae bywyd yn gallu bod yn anodd. Weithiau’r unig beth sydd ei angen ydy i ddianc o\u2019r pethau sydd yn rhoi trafferth i ti. Bod hynny\u2019n chwarae gyda phlant eraill i gymdeithasu neu greu bywyd animeiddiedig newydd gyda\u2019r holl bethau sydd yn gwneud ti\u2019n hapus.<\/p>\n\n\n\n

Rwy\u2019n mwynhau creu gwahanol fydoedd i fi fy hun sydd ddim yn cynnwys y straen dyddiol sydd yn fy mhoeni i weithiau. Gallaf fod yn berson gwahanol. Gallaf adeiladu’r hyn mae fy ymennydd eisiau gweld a meddwl amdano. Mae\u2019n rhoi ffocws i mi. Mae \u2018Fy Lle Hapus\u2019 yn dweud y cyfan. Gallaf roi safbwynt gwahanol ar fywyd a thynnu meddyliau negyddol neu bryderon. Gallaf greu’r union le dwi eisiau iddo fod. Mae\u2019n gwneud i mi werthfawrogi\u2019r holl bethau hapus gallaf fod yn ddiolchgar amdanynt mewn bywyd. Cyn i mi sylweddoli, mae pryderon bywyd yn tueddu bod yn haws i ddelio \u00e2 nhw.<\/p>\n\n\n\n

\"\"<\/a><\/figure><\/div>\n\n\n\n

Pa neges fyddet ti\u2019n ei roi i rywun sydd yn cael trafferthion iechyd meddwl?<\/h3>\n\n\n\n

Byddwn yn cynghori unrhyw un i siarad. Dyma\u2019r ffordd orau i helpu rhywun gan nad wyt ti ar ben dy hun gyda dy deimladau. Mae rhannu dy deimladau yn gallu helpu i resymoli pethau yn dy ben di hefyd ac yn gallu gwneud i ti sylweddoli nad yw pethau mor ddrwg ag yr oeddet ti wedi\u2019i feddwl. Gofala am dy les dy hun, gwna bethau sydd yn gwneud ti\u2019n hapus. Cymera seibiant o\u2019r anrhefn.<\/p>\n\n\n\n

Gwybodaeth Berthnasol<\/h3>\n\n\n\n

I ddarganfod mwy am yr ymgyrch Paid Byth ag Ildio <\/a>ac i weld yr holl waith celf anhygoel gan yr artistiaid eraill, clicia YMA<\/a>.<\/p>\n\n\n\n

Wyt ti\u2019n dioddef gyda dy iechyd meddwl? Cer draw i Dudalen Gwybodaeth Iechyd Meddwl y Sprout<\/a> ble mae gwybodaeth ddefnyddiol ar wasanaethau cefnogi lleol a chenedlaethol.<\/p>\n\n\n\n

Os wyt ti\u2019n rhannu ein hymgyrch Paid Byth ag Ildio ar gyfryngau cymdeithasol, cofia ddefnyddio\u2019r hashnod #ChwaraeDaMeddwlPositif. Mae croeso i ti ein tagio fel ein bod yn gweld yr hyn rwyt ti\u2019n rhannu!<\/p>\n\n\n\n\n\n

\"\"<\/a><\/figure><\/div>\n","protected":false},"excerpt":{"rendered":"

Mae Jacob, sy\u2019n 11, yn dweud bod creu bydoedd gwahanol yn ei helpu i gael gwared ar deimladau negyddol ac mae\u2019n teimlo y gallai ddelio gyda phryderon bywyd ar \u00f4l…<\/p>\n","protected":false},"author":3,"featured_media":4595,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[1473],"tags":[1476,427,1475,1482,1360,718,1381,535,1533,1530,1532,1006,1474,1529,1531,1477],"class_list":["post-4588","post","type-post","status-publish","format-standard","has-post-thumbnail","hentry","category-paid-byth-ag-ildio","tag-chwaraedameddwlpositif","tag-celf","tag-chwarae-da-meddwl-positif","tag-chwarae-gemau-fideo","tag-comisiwn","tag-gemau-fideo","tag-gwaith-celf","tag-iechyd-meddwl","tag-jacob","tag-jacob-omara","tag-jacob-paid-byth-ag-ildio","tag-lles","tag-paid-byth-ag-ildio","tag-paid-byth-ag-ildio-jacob","tag-paid-byth-ag-ildio-jacob-omara","tag-ymgyrch-paid-byth-ag-ildio"],"acf":[],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t