{"id":4165,"date":"2021-08-05T18:39:55","date_gmt":"2021-08-05T18:39:55","guid":{"rendered":"https:\/\/thesprout.co.uk\/cy\/?p=4165"},"modified":"2024-10-16T11:23:38","modified_gmt":"2024-10-16T11:23:38","slug":"galw-ar-yr-artist-caerdydd-mewn-golau-newydd","status":"publish","type":"post","link":"https:\/\/thesprout.co.uk\/cy\/galw-ar-yr-artist-caerdydd-mewn-golau-newydd\/","title":{"rendered":"Galw ar yr Artist: Caerdydd Mewn Golau Newydd"},"content":{"rendered":"\n

Gan ei fod yn wythnos arddangos Gw\u00ean o Haf<\/a>, rydym yn awyddus i roi llwyfan i waith anhygoel holl artistiaid ifanc yr \u0175yl. Dyma ein cyfweliad arbennig gyda Rosie Pearn sydd, yn ogystal \u00e2 darlunio a pheintio, yn adeiladu darn sydd yn adlewyrchu ei pherthynas gyda Chaerdydd.<\/h2>\n\n\n\n

\u201cMae\u2019n cael ei ysbrydoli gan Gastell Caerdydd<\/a> a\u2019r castell ei hun sydd yn creu cefndir fy nghelf. Mae\u2019n cyfuno gorffennol, gyda dillad y cymeriadau, ond y presennol hefyd gyda\u2019r tai tref. Felly, cysylltu hanes gyda dyddiau modern ydy prif ysbrydoliaeth y darn.\u201d<\/p>\n\n\n\n

Mae Rosie, fel person ifanc, yn rhan fawr o gynnwys ein dyfodol. Dywedodd bod ei gwaith yn adlewyrchu\u2019r hyn mae Caerdydd yn ei olygu iddi hi.<\/p>\n\n\n\n

\u201cRwy\u2019n mwynhau hanes y ddinas, yn enwedig Castell Caerdydd. Mae\u2019r holl wahanol oesoedd a\u2019r gwahaniaeth rhyngddynt yn ddiddorol iawn.\u201d<\/p>\n\n\n

\n
\"\"<\/figure>\n<\/div>\n\n\n

Beth yw\u2019r darn?<\/h3>\n\n\n\n

Mae gwaith celf Rosie wedi ei arddangos fel darn \u2018pop-yp\u2019, wedi ei ddylunio i ddod \u00e2\u2019i darlun hi o fywyd Caerdydd yn fyw mewn ffurf model.<\/p>\n\n\n\n

\u201cMae\u2019r darn yn dod at ei gilydd fel dy fod di\u2019n edrych i lawr ar y castell ac ar yr ochr mae\u2019r tai tref a\u2019r bwytai sydd yn cynrychioli dinas fodern, fywiog. Mae yna gymeriadau bach sydd mewn ffurf hwyaid, llygod mawr a physgod sydd yn byw eu bywyd dyddiol.\u201d<\/p>\n\n\n\n

\u201cMae\u2019n cynnig mewnwelediad i fywydau pobl normal Caerdydd.\u201d<\/p>\n\n\n\n

\u201cMaen nhw\u2019n gwisgo dillad Fictoraidd ond yn gwneud pethau modern. Mae rhai yn cerdded o gwmpas gyda bagiau Primark a gweithwyr Deliveroo ar gefn \u2018penny fathing\u2019. Mae\u2019n stwnsh o wahanol gyfnodau sydd wedi bod yng Nghaerdydd.\u201d<\/p>\n\n\n

\n
\"\"<\/figure>\n<\/div>\n\n\n

Y broses adeiladu<\/h3>\n\n\n\n

Mae gwaith Rosie yn hynod ddiddorol, gan ei fod yn gymaint o broses adeiladu ag y mae\u2019n gampwaith artistig. Mae gwybod ble i gychwyn yn dasg yn ei hun!<\/p>\n\n\n\n

\u201cCychwynnais wrth lunio\u2019r castell, gan mai dyna oedd y prif beth. Mae\u2019n adeilad eiconig yng Nghaerdydd, felly roedd yn bwysig bod hwnnw\u2019n iawn. Roedd hwnnw\u2019n dasg fawr, ac rwyf wedi ychwanegu\u2019r anifeiliaid ar wal y castell hefyd, roeddwn wedi gorfod ymarfer hynny lot.<\/p>\n\n\n\n

\u201cMae llunio cymeriadau yn eithaf hawdd i mi, felly gwyddwn y gallwn i wneud hynny yn rhywle, a dim ond rhyw bum munud gymerodd hynny.\u201d<\/p>\n\n\n\n

Roedd yn ras yn erbyn amser i gwblhau\u2019r darn ar \u00f4l iddi wneud cais munud olaf i arddangos ei gwaith. Felly rydym yn ffodus iawn i\u2019w weld yn Gw\u00ean o Haf!<\/p>\n\n\n\n

\u201cRoedd yn dipyn o straen gorfod cwblhau\u2019r cais mewn un noson, er roedd clywed mod i wedi cael y gwaith yn syth wedyn yn hwyl.\u201d<\/p>\n\n\n\n

\u201cMam welodd y cyfle. Mae hi bob tro\u2019n chwilio ar-lein am bethau i mi wneud; mae\u2019n darganfod popeth ar Twitter felly dyna le welodd hi o mae\u2019n si\u0175r.\u201d<\/p>\n\n\n\n

Felly, mae Rosie wedi bod yn gweithio\u2019n ddiddiwedd am y tair wythnos diwethaf i sicrhau bod rhywbeth wedi\u2019i orffen i arddangos yn yr \u0175yl.<\/p>\n\n\n

\n
\"\"<\/figure>\n<\/div>\n\n\n

Beth yw ap\u00eal celf i ti?<\/h3>\n\n\n\n

\u201cRwyf wrth fy modd gydag ochr chwareus celf. Nid wyf yn ffan fawr o realaeth ac adlewyrchu bywyd mewn celf. Nid person fel yna ydw i. Rwy\u2019n tynnu ysbrydoliaeth o fywyd go iawn, ond wrth fy modd yn creu pethau hollol newydd a haniaethol, sydd yn gwneud i fywyd bob dydd ymddangos yn fwy diddorol.\u201d<\/p>\n\n\n

\n
\"\"<\/figure>\n<\/div>\n\n\n

Sut ydw i\u2019n gallu gweld gwaith Rosie?<\/h3>\n\n\n\n

Bydd gwaith Rosie yn cael ei arddangos ar brif safle\u2019r \u0175yl ar Lawnt Neuadd y Dref, Caerdydd, drwy\u2019r wythnos, ynghyd \u00e2 gwaith yr artistiaid ifanc eraill. Mae tocynnau\u2019r \u0175yl yn \u00a32 ac mae posib prynu trwy wefan Gw\u00ean o Haf<\/a> neu\u2019r app, sydd ar gael trwy\u2019r Apple Store neu Google Play.<\/p>\n\n\n\n

Mae Rosie yn canolbwyntio ar ei chelf ac yn defnyddio ei thalent i ysbrydoli darpar artistiaid ar stondin y Sprout ar safle\u2019r \u0175yl, sydd wedi bod yn ymweld yn eu miloedd ac yn ychwanegu i oriel ein hunain dros y pythefnos diwethaf. Mae ei gwaith wedi ysbrydoli pawb i edrych ar Gaerdydd gydag agwedd bositif.<\/p>\n\n\n\n

Gwybodaeth berthnasol<\/h3>\n\n\n\n

Os hoffet weld mwy am ein hartistiaid a\u2019u gwaith, clicia yma i weld gwaith Faaris<\/a>, Farah<\/a>, Alicia<\/a>, Eshaan<\/a>, Nalani<\/a>, a Saabiqah<\/a>.<\/p>\n","protected":false},"excerpt":{"rendered":"

Gan ei fod yn wythnos arddangos Gw\u00ean o Haf, rydym yn awyddus i roi llwyfan i waith anhygoel holl artistiaid ifanc yr \u0175yl. Dyma ein cyfweliad arbennig gyda Rosie Pearn…<\/p>\n","protected":false},"author":1979,"featured_media":4166,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[1368],"tags":[1379,1371,1376,1380,1377,1375,1366,1370,1378],"class_list":["post-4165","post","type-post","status-publish","format-standard","has-post-thumbnail","hentry","category-gwen-o-haf","tag-artist-rosie-pearn","tag-artistiaid-preswyl-promo-cymru","tag-caerdydd-syn-gyfeillar-i-blant","tag-comisiwn-gwen-o-haf","tag-dinas-cyfeillgar-i-blant","tag-galw-ar-yr-artist","tag-gwen-o-haf","tag-promo-cymru","tag-rosie-pearn"],"acf":[],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t