{"id":345,"date":"2017-07-12T15:47:13","date_gmt":"2017-07-12T15:47:13","guid":{"rendered":"http:\/\/thesprout.co.uk\/cy\/?p=345"},"modified":"2021-04-14T13:25:38","modified_gmt":"2021-04-14T13:25:38","slug":"snap-map-gwych-neu-hunllef","status":"publish","type":"post","link":"https:\/\/thesprout.co.uk\/cy\/snap-map-gwych-neu-hunllef\/","title":{"rendered":"Snap Map: Gwych neu Hunllef?"},"content":{"rendered":"

Heddiw rwyf wedi hwylio cwch dros Y Barriff Mawr, wedi deifio awyr yn Alasga, yna gwylio cath fach yn disgyn oddi ar soffa yn Abertawe, bob un cyn i mi godi o’r gwely.<\/h2>\n

Mae’n debyg bod oedolion wedi rhoi rhybudd i ti am Snap Map<\/a> yn barod. Ond beth yw’r broblem? Wedi’r cwbl, os byddet ti’n<\/strong> mynd i ddeifio awyr, fyddet ti ddim eisiau rhannu’r profiad efo’r byd?<\/p>\n

Mae’n wir fod gan rai rhieni ofn mawr o’r rhyngrwyd. Mae fy mam i yn un ohonynt: pan ddarllenodd am Snap Map yn y papur newydd dywedodd y dylwn i ddileu Snapchat yn gyfan gwbl. Mae ei chalon hi yn y lle iawn, ond pan fydd yn rhybuddio am bethau ar-lein mae’n anodd gwybod os yw’n rhoi cyngor pwysig, neu os ydy hi wedi mynd i banig dros rywbeth nad yw’n deall yn iawn.<\/p>\n

Dwi wedi bod yn defnyddio’r rhyngrwyd am y mwyafrif o’m mywyd, ac wedi dysgu bod ffordd mam o ddelio gydag ef (“mae popeth yn beryglus! Paid cyffwrdd dim ohono!”<\/em>) yn syniad drwg gan y byddwn i yn colli allan ar gymaint o bethau gr\u00eat. Ond dwi wedi gwneud digon o gamgymeriadau hefyd i ddeall bod y syniad bod “popeth yn ddiogel! LAWRLWYTHA’R APIAU I GYD!<\/em>” yn beryglus ac yn dwp.<\/p>\n

\"\"

Dydy hyn ddim yn syniad da<\/p><\/div>\n

Y gamp ydy dod o hyd i’r cydbwysedd. Felly gad i mi amlygu pethau i ti:<\/p>\n

Mae technoleg yn wych.<\/strong><\/h2>\n

Wyddost ti beth sydd ddim mor wych? Dweud wrth bobl ddiarth ble rwyt ti’n cysgu.\u00a0<\/strong><\/p>\n

Rwyt ti’n gwybod hyn yn barod. Fyddet ti ddim yn cerdded at ddieithryn ac yn rhoi dy gyfeiriad iddynt. Hyd yn oed ymysg y bobl ti’n adnabod, mae yna rai pethau fyddet ti ond yn rhannu gyda dy ffrindiau agosaf neu deulu. Y perygl o dechnoleg ydy bod posib rhannu gwybodaeth bersonol heb sylweddoli – yn<\/strong> enwedig<\/strong> os wyt ti’n derbyn cais ffrind gan ddieithrion.<\/p>\n

 <\/p>\n

https:\/\/www.youtube.com\/watch?v=f2DZXKAhT9w&<\/p>\n

Fyddet ti ddim yn rhoi dy gyfeiriad i ddieithrion ar y stryd, felly paid rhannu dy leoliad efo dieithrion ar y we.<\/p><\/blockquote>\n

Nid oes angen<\/em> i ti rannu dy leoliad byth. Os wyt ti’n dewis<\/em> ei rannu, gwna’n si\u0175r dy fod di’n meddwl yn ofalus gyntaf. Gofynna i ti dy hun:<\/p>\n

    \n
  • Pa wybodaeth ydw i’n ei rannu?<\/li>\n
  • Gyda phwy ydw i’n ei rannu?<\/li>\n
  • A yw’n ddiogel i rannu hyn?<\/li>\n
  • Ydw i’n rhannu hyn unwaith, neu ydy popeth dwi’n postio wedyn yn gyhoeddus hefyd? (Os felly: cofia newid popeth yn \u00f4l wedyn!)<\/li>\n<\/ul>\n

    Dyma fy rheol: rhanna cipluniau yn unig<\/strong> (nid pob eiliad o dy fywyd).<\/p>\n

    Mae pob un o fy apiau wedi’u rhagosod i gadw lleoliad i ffwrdd. Os ydw i’n gweld rhywbeth hoffwn rannu \u00e2’r byd byddaf yn ystyried y rhestr uchod ac, os yw’n parhau i fod yn syniad da, pan fyddaf yn postio’r llun neu’r fideo byddaf yn dewis y lleoliadau (e.e. ‘Add location’ ar Instagram, neu rannu i ‘Our Story’ ar Snapchat) ond am y post yno yn unig<\/em>. Cyn rhannu’r post nesaf dwi’n sicrhau bod y lleoliad yn \u00f4l yn llwyd unwaith eto.<\/p>\n

    Os oes gen i rywbeth sydd yn werth ei rannu – fel tynnu llun o’r T\u0175r Eiffel – yna mae rhannu lleoliad yn gwneud synnwyr. Ond os wyf yn cerdded o gwmpas, ddim yn tynnu lluniau hyd yn oed, yna mae dweud wrth bobl yn union le ydwyf yn un ai’n ddiflas neu… yn eithaf iasol. Dwi ddim eisiau i bobl yn y coleg wybod pan fyddaf yn trydar o’r toiled!<\/p>\n

    Sut ydw i’n cadw fy hun yn ddiogel?<\/h2>\n

    Y newyddion da ydy ei bod yn hawdd cadw dy leoliad yn breifat. Yn Snap Maps: pwysa ar yr olwyn gocos yn y gornel i weld y gosodiadau. Y gosodiad mwyaf diogel ydy ‘Ghost Mode’, sydd ddim yn cyhoeddi dy leoliad i neb.<\/p>\n