{"id":3266,"date":"2016-08-04T12:50:36","date_gmt":"2016-08-04T12:50:36","guid":{"rendered":"http:\/\/thesprout.co.uk\/cy\/?p=3266"},"modified":"2021-04-14T14:18:06","modified_gmt":"2021-04-14T14:18:06","slug":"modryb-sprout-dwi-ddim-wedi-cael-rhyw","status":"publish","type":"post","link":"https:\/\/thesprout.co.uk\/cy\/modryb-sprout-dwi-ddim-wedi-cael-rhyw\/","title":{"rendered":"Modryb Sprout – Dwi Ddim Wedi Cael Rhyw"},"content":{"rendered":"

“Annwyl Modryb Sprout,<\/em><\/p>\n

Fi yw\u2019r unig un ymysg fy ffrindiau sydd yn fyrjin o hyd. Mae fy ffrindiau a finnau yn mynd i\u2019r brifysgol cyn hir, a bob tro rydym yng nghwmni ein gilydd mae pawb yn siarad am ryw ac yn cyfnewid straeon. Dwi ddim wedi gwneud dim rhywiol gyda neb, ac felly fedra i ddim cyfrannu a dwi\u2019n cael fy nghau allan. Maen nhw\u2019n chwarae gemau yfed am y pwnc hefyd, felly mae pawb yn meddwi\u2019n gaib a fi\u2019n sobr sant bob tro!<\/em><\/p>\n

Dwi wedi bod yn disgwyl nes cyfarfod rhywun arbennig, ond dwi ddim wedi bod mewn perthynas hyd yn oed. Dwi\u2019n dechrau meddwl mod i\u2019n od. Mae pawb yn dweud nad wyt ti eisiau bod yn fyrjin pan ti\u2019n mynd i\u2019r brifysgol. <\/em><\/p>\n

Dwi\u2019n rhedeg allan o amser, beth ddylwn i\u2019w wneud?”<\/em><\/p>\n

Dyma’ch cyfle Sproutwyr annwyl. Os oes gen ti gyngor i’w gynnig, gad sylwad isod (mae am ddim i adael sylwad ond awgrymir i ti gadw dy bostiadau yn ddienw!).<\/strong><\/p>\n

Mae theSprout wedi bod yn gweithio gyda Meic<\/a> – llinell gymorth gwybodaeth, cyngor ac eiriolaeth genedlaethol i blant a phobl ifanc yng Nghymru – sydd wedi postio fel y Fodryb Sprout isod!<\/strong><\/p>\n

Neu, os oes gen ti broblem neu gwestiwn hoffet ti gael cyngor arno, beth am ei rannu gyda chymuned y Sprout<\/a>? Dyma sydd wedi cael ei ofyn cynt.<\/a><\/strong><\/p>\n

Bydd y cwestiwn yn cael ei bostio yn ddienw, byddem yn newid yr enw. Hefyd, cofia edrych ar adran Gwybodaeth y Sprout<\/a>. Neu, mae posib cysylltu gyda Meic yn uniongyrchol – www.meic.cymru<\/a>.<\/strong><\/p>\n

————————————-<\/p>\n

Ymateb y Fodryb Sprout<\/h1>\n

 <\/p>\n

Helo \u2018na,<\/p>\n

Diolch am gysylltu am y mater yma; mae llawer o bobl ifanc yn poeni am hyn.<\/p>\n

Mae llawer iawn o bwysau cyfoedion ar bobl ifanc i ddod yn actif yn rhywiol, yn aml cyn iddynt deimlo\u2019n barod i ddechrau cael rhyw. Ar ben hynny, mae\u2019r cyfryngau (papurau newydd, cylchgronau, rhaglenni teledu a ffilm) yn portreadu pobl ifanc yn cael rhyw fel norm cymdeithasol, ond nid dyma\u2019r gwir i bob person ifanc.<\/p>\n

Rwyt ti\u2019n dweud bod dy ffrindiau yn siarad am ryw ac yn cyfnewid straeon. Mae\u2019n bosib mai cadw wyneb yw hyn i rai ac nad dyma\u2019r gwirionedd bob tro. Mae\u2019n eithaf cyffredin i bobl ifanc gorliwio neu ddweud celwydd am gael rhyw. Efallai bydd rhai o dy ffrindiau yn teimlo\u2019n debyg i ti, ond yn ddiffyg yr hyder i ddweud.<\/p>\n

Mae\u2019n swnio fel dy fod di wedi meddwl lot am pan fyddi di efallai\u2019n teimlo\u2019n barod i gael rhyw, a dy fod di wedi meddwl disgwyl nes i ti gyfarfod rhywun arbennig. Fe ddywedes di hefyd dy fod di\u2019n poeni dy fod di\u2019n od am nad oeddet ti wedi cael perthynas eto. Ond mae hyn yn ffitio gyda\u2019r dymuniad o gyfarfod rhywun arbennig cyn cael mewn i berthynas.<\/p>\n

Mae\u2019n glir dy fod di\u2019n feddyliwr annibynnol, gyda synnwyr cryf o\u2019r pethau ti eisiau a ddim eisiau, ac mae hynny\u2019n beth positif iawn! Ti\u2019n llawer mwy tebygol o gael profiad pleserus o ryw os nad wyt ti dan bwysau ac yn gwbl gyfforddus gyda dy ddewis.<\/p>\n

Soniais fod dy ffrindiau i gyd yn siarad am ryw pan fyddech chi\u2019n cyfarfod. Oes gen ti ffrindiau sydd efallai yn teimlo\u2019n debyg i ti, neu sydd ddim yn treulio\u2019r holl amser yn siarad am ryw? Os oes, yna efallai byddai\u2019n syniad treulio amser gyda nhw, gan y bydda hyn yn lleihau\u2019r pwysau arnat ti. Gallet ti hefyd ystyried dilyn unrhyw ddiddordebau, fel chwaraeon, neu wneud ychydig o wirfoddoli cyn mynd i\u2019r brifysgol.<\/p>\n

Rwyf wedi rhestru ychydig o wefannau am ryw, pobl ifanc a phwysau cyfoedion gall fod o fudd i ti.<\/p>\n

Gobeithiaf y bydd y rhain yn helpu, a phob lwc i ti yn y brifysgol….<\/p>\n

Tudalennau Gwybodaeth y Sprout – Iechyd Rhywiol<\/a><\/p>\n

Iechyd Rhywiol<\/a><\/p><\/blockquote>\n